தமிழ்நாட்டில் அண்மைக்கால அக்ழாய்வுகள் இரண்டு நாட்கள் தேசியக் கருத்தரங்கம்

வரலாறு என்பவை சான்றுகளின் அடிப்படையில் எழுதப்படுபவை. தமிழ்நாட்டு வரலாற்றில் தற்போது புதிய புதிய வரலாற்றுச் சான்றுகள் கிடைப்பதன் மூலம் வரலாற்றின் போக்கு மாறுபாடு அடைந்துவருகிறது. குறிப்பாக தற்போது அகழாய்வுகளில் கிடைக்கின்ற சான்றுகள் பல புதிய கருத்துகளுக்கு இட்டுச்செல்கின்றன. தற்போது தமிழகத்தில் கிடைத்துள்ள அகழாய்வுச் சான்றுகளை மாணவர்களுக்கும், ஆய்வாளர்களுக்கும், ஆர்வலர்களுக்கும் தெரிவிப்பதே இந்த இரண்டுநாள் கருத்தரங்கின் முக்கிய நோக்கமாகும்.

இந்தக் கருத்தரங்கத்தின் ஒரு நிகழ்வாக களப்பயணமும் நிகழ்த்த உள்ளது. திருப்பூர் மாவட்டம், மடத்துக்குளம் வட்டம், கொங்கல் நகரம் என்ற வரலாற்றுச் சிறப்புமிக்க இடத்தில் தமிழ்நாடு அரசு தொல்லியல்துறை நடத்திக்கொண்டிருக்கக்கூடிய அகழாய்விற்கு அழைத்துச்சென்று அகழாய்வு செய்யப்படுகின்ற முறைகளையும் எவ்வாறு வரலாற்று ஆதாரங்கள் நிலத்திற்கடியில் கிடைக்கின்றன என்பதையும் விளக்கிக்காட்ட உள்ளது.